Azərbaycan Respublikası Vergi orqanları üçün Vətəndaşlar və sahibkarlar ilə dövlət vergi qurumları arasında Elektron sənəd mübadiləsi və Vahid rəsmi elektron poçt sistemi "(Onlayn Kargüzarlıq)"

Azərbaycan Respublikası Vergi orqanları üçün Vətəndaşlar  və  sahibkarlar  ilə  dövlət  vergi qurumları arasında Elektron sənəd mübadiləsi və Vahid rəsmi elektron poçt  sistemi "(Onlayn  Kargüzarlıq)"

Müştəri:

Azərbaycan Respublikası Vergilər Nazirliyi

Məqsəd:

Vətəndaşlar və sahibkarların Azərbaycan Respublikası Vergi orqanları arasında elektron sənəd mübadiləsi və vahid rəsmi elektron poçt sisteminin (Onlayn kargüzarlıq altsistemi) yaradılması.

Bu sistem, hər bir istifadəçi üçün fərdi elektron qutu ayırılaraq, vətəndaşlar və vergi ödəyiciləri ilə vergi orqanları arasında elektron sənəd mübadiləsinin aparılmasını təmin edir. Vergi orqanlarından və digər ödəyicilərdən göndərilən və qəbul edilən sənədlər, həmçinin uyğunsuzluq məktubları, bildirişlər, xəbərdarlıqlar, məlumatlar və s. sənədlər imzalandıqdan sonra sistem tərəfindən onların e-Qutusuna göndərilir və toplanılır.  Vergi ödəyiciləri ilə vergi orqanları arasında e-Qutunun tətbiqi, ənənəvi üsul olan kağız daşıyıcılarında sənədlərin göndərilməsilə müqayisədə vaxt və resurs itkilərinin azalmasına səbəb olur.

Təlimatda sənəd dedikdə ərizə, şikayət, sorgu, təklif, təşəkkür, məktub və s. başa düşülür.

Bu altsitem, istifadəçi koduna, şifrə və parola malik vətəndaşlar və vergi ödəyicləri üçün nəzərdə tutulmuşdur.

"Onlayn kargüzarlıq" sistemi idarəedici paneldən, qovluqlardan ("Gələnlər", "Göndərdiklərim") və digər məlumat ekranlarıdan ibarətdir.

İdarəedici panel aşağıdakı düymələrdən ibarətdir:

- "Yeni müraciət" - Yeni məktub və digər növ sənədlər hazırlamaq üçündür.

- "Axtarış" ekranı "Gələnlər" və "Göndərdiklərim" qovluqları üzrə müxtəlif meyarlar seçməklə ixtiyari sənədi tapmaq üçün istifadə olunur.

- "Şəxsi məlumatlarım" ekranı vasitəsilə istifadəçi öz şəxsi məlumatlarına baxa və düzəlişlər edə bilər.