Cybernet şirkətinin Oracle seminarında iştirakı

Dekabrın 10-11-də Antalya şəhərindəki  Mardan Palace otelində Oracle korporasiyasının distribyutoru olan Türkiyənin   «Artım Bilişim» İT şirkətinin təşkilatçılığı ilə  Oracle məhsullarına həsr olunan seminar keçirilmişdir. Oracle məlumatların idarə edilməsi üzrə PT işlənib hazırlanması bazarında lider və dünya bazarında miqyas etibarilə ikinci müstəqil soft istehsalçısıdır. Şirkətin başlıca məhsulunu məlumat bazalarının  idarə edilməsi sahəsində ən geniş yayılmış sistemlərdən biri olan  Oracle DataBase təşkil edir.

Tədbirə regional tərəfdaşlar, o cümlədən Oracle korporasiyasının Qızıl tərəfdaşı olan Cybernet şirkətinin nümayəndələri dəvət olunmuşdu. 

Proqram məhsullarının təqdimatından sonra Cybernet şirkətinin yaratdığı proqram həllərinin inteqrasiyası məsələləri, habelə İKT sahəsində əməkdaşlığın perspektivləri müzakirə olunmuşdur.