CYBERNET MMC-DƏ YÜKSƏK KOMANDA RUHU

21 dekabr, 2018-ci il tarixdə ölkəmizin aparıcı İT şirkətlərindən biri olan Cybernet şirkəti qarşıdan gələn Yeni İl və Dünya Azərbaycanlılarının Həmrəyliyi Gününə həsr olunmuş növbəti korporativ tədbirini keçirdi. Korporativ tədbirə bütün kollektiv, həmçinin şirkətlə sıx əməkdaşlıq edən digər təşkilatlardan müsafirlər dəvət olunmuşdur.

Tədbiri Cybernet şirkətinin Baş Direktoru İlham Namazov açaraq, şirkətin yaranma tarixi, keçdiyi inkişaf mərhələləri, əldə edilən nailiyyətlər, şirkətin ötən ilki fəaliyyət göstəriciləri barədə ətraflı məlumat verdi. Cənab İlham Namazov öz çıxışında kollektivi şirkətin ən vacib kapitalı kimi dəyərləndirərək hər bir əməkdaşa, onu dəstəkləyən tərəfdaşlara, şirkətin inkişafı yolunda onunla birgə addımlayan müştərilərə öz minnətdarlığını bildirdi.

Daha sonra, musiqili, əyləncəli yarışmaların keçirilməsi, qaliblərə hədiyyələrin verilməsi tədbirin yaddaqalan anlarından olmuşdur.